Jól fyri øll: Stuðulsfløga fyri Kvinnuhúsið

Tað serliga við hesi fløgu er, at all­ar inntøkur av søluni fara ó­skerd­ar til Kvinnuhúsið. Á fløguhúsanum skrivar El­in Reinert Planck, leiðari í Kvinn­u­hús­inum, soleiðis:

»Kjarnin í væl­ferð­ar­sam­fel­ag­num er viljin til at hjálpa okk­ara med­menn­iskj­um, tá ið tey koma illa fyri. At vera teim­um eitt ljós í neyðini. Eitt slíkt ljós skal henda fløga vera, og inn­tøk­an fer øll til Kvinn­­­u­­hús­ið í Havn, sum hjálpir føroyskum kvinn­um – okkara systrum, møðr­um og døtrum – sum eru fyri harðskapi. Við at ogna tær hesa fløgu ert tú við til at skapa ljósið og ert við okkum mongu, sum vilja geva hesum kvinnum ein nýggj­an møguleika.«

Høgni Zachariasen, stjóri í Expert, ið er ein av handl­u­num, ið selur nýggju fløguna, sig­ur, at eft­ir­spurn­ing­ur hev­ur leingi verið eftir fleiri av sang­u­num. »Tí er tað ein gleði at fólk hava savna hesar jóla­perl­ur og at bjóðað tær út við ein­um vælgerandi end­a­máli fyri eygað.«

Á fløguni eru 20 løg, øll væl kend og framførd av fleiri av okk­ara bestu tónleikarum.

Jól fyri øll fæst til keyps um alt landið.