Men sum skilst er ikki semja um hetta.
Jákup Mikkelsen, sum hevur verið uttanlands, sigur seg vita lítið um hetta uppskotið og vil tí ikki gera viðmerkingar. Málið er ikki viðgjørt í samgonguni.
Tað ljóðar eitt sindur løgið, at partamaður hansara kemur við hesum tíðindum, uttan at Jákup Mikkelsen, sum bæði er tingmaður, formaður í tingbólkinum hjá Fólkaflokkinum og formaður í uttanlandsnevndini og fyrrverndi landsstýrismaður í fiskivinnumálum, hvørki skal kenna til málið ella vera eftirspurdur.
Jákup Mikkelsen varð koyrdur frá sum landsstýrismaður í fiskivinnumálum vegna sín svágarskap til Hanus Hansen reiðara. Sami Hanus Hansen alt annað enn heilsar uppskotinum vælkomnum.
