Jákup Thomsen, sum hevur sáttmála við FC Midtjylland, verður verandi í Thisted, restina av kappingarárinum.
Hann bleiv leigaður út til Thisted í summar og hevur í heyst spælt sjey dystir fyri felagið, sum spælir í donsku 1. deild.
Nú hava feløgini bæði longt leigusáttmálan, so at hann eisini verður galdandi í vár.
Svend Graversen, sum er ítróttarstjóri í FC Midtjylland, sigur við heimasíðuna hjá felagnum, at tað týdningarmesta fyri felagið og Jákup Thomsen sjálvan, er at hann spælir regluliga á einum høgum støði.
- Tað fær hann møguleika til í Thisted, sum vit hava eitt gott og tætt samstarv við, sigur hann.
Hóast Jákup Thomsen hevur spælt sjey dystir í heyst, so hevur hann einans byrjað inni í einum teirra.
