B36 vann tryggan 5-1-sigur á EB/Streymi heima í Gundadali í dag. Sigurin varð grundlagdur nærum alt fyri eitt, tí longu eftir einum hálvum tíma var B36 á odda 4-0.
Jákup á Borg, venjari hjá B36, er væl nøgdur við álopsspælið, men peikar á, at fóturin ótilætlað varð tikin av speedaranum eftir at tað bleiv so stórur munur í dystinum. B36-venjarin nýtti eisini høvið at ynskja HB tillukku við FM. Hann sigur eitt nú, at hann má taka hattin av fyri teimum.
Omanfyri hoyrist samanumtøka av dystinum ímillum B36 og EB/Streym umframt prát við B36-venjaran, Jákup á Borg, og EB/Streym-venjaran, Heðin Askham.
