Fýra av fimm dystum hava verið í Vodafonedeildini í dag og 07 Vestur er einasta liðið, ið fekk fult. Tríggir dystir endaðu við javnleiki.
Í fyrstu royndini sum venjari hjá 07 Vestur, megnaði Jóhan Nielsen at koppa klaksvíkingum í Klaksvík. 07 Vestur kom á odda, men Bárður Heinesen javnaði fyri heimaliðið. Men stutt fyri tíð tryggjaði Tór-Ingar Akselsen 07 Vestur sigurin.
B36 hevur framvegis ikki tapt í landskappingini og liggur fremst. Hóast oddaliðið var á odda líka til evstu løtu, so vóru teir til tíðir undir trýsti í fyrra hálvleiki. Men tað var John Hansen, ið legði B36 á odda um miðjan fyrra hálvleik. Í evstu løtu javnaði Bartal Eliasen fyri ÍF. Símun Eliasen og Rúni Nolsøe stóðu á odda fyri ÍF liðnum á fyrsta sinni. Í Runavík spældu NSÍ og EB/Streymur javnleik 2-2. Klæmint Olsen skoraði bæði málini fyri heimaliðið, sum var á odda 1-0, men eisini aftanfyri 2-1.
HB var á odda bæði 2-0 og 3-2 í Gundadali í dag, men endaðu bara við at fáa eitt stig í uppgerðini móti B68. Tað sá annars út til at HB hevði tamarhald á dystinum, tá farið var til hálvleiks. Tá var HB á odda 2-0, men B68 megnaði at javna, áðrenn innskifti Rógvi Poulsen aftur legði HB á odda. Men móti endanum av dystinum javnaði André Olsen upp á brotsspark.
ÍF B36 1-1 (0-1)
0-1 John Hansen, 19
1-1 Bartal Eliasen, 90
HB B68 3-3 (2-0)
1-0 Andrew av Fløtum, 21
2-0 Fróði Benjaminsen, 43
2-1 Ndende, 46
2-2 Eli Simonsen, 78
3-2 Rógvi Poulsen, 83
3-3 André Olsen, 87
NSÍ EB/Streymur 2-2 (0-0)
1-0 Klæmint Olsen, 52
1-1 Hans Pauli Samuelsen, 70
1-2 Alex dos Santos
2-2 Klæmint Olsen
KÍ 07 Vestur 1-2 (0-0)
0-1 Jovan Panic, 58
1-1 Henry Heinesen, 71
1-2 Tór-Ingar Akselsen, 83
Støðan aftaná 11 umfør:
1: B36 25 stig
2: EB/Streumur 20
3: Víkingur 20
4: NSÍ 19
5: KÍ 16
6: HB 14
7: B68 13
8: 07 Vestur 11
9: ÍF 9
10: B71 3
Víkingur og B71 spæla mánakvøldið í Gøtu. Rás2 sigur frá dystinum.
