– »Álavaratos« er eftir mínum tykki ein primitiv og tendensiøs sending, segði Jógvan á Lakjuni í blaðum mánadagin.
Hann heldur, at Jákup Magnussen bara velur panelluttakarar, sum halda tað sama sum hann.
– Føroyingar eru tíverri sambært lóg noyddir at gjalda í dýrum dómum fyri Kringvarp Føroya, sum átti at verið ein mentanarstovnur. Men eg má siga, at eg øtist inn á ta ómentan, sum hesin stovnur í dag loyvir, og eg haldi, at hann í fleiri førum arbeiðir beint ímóti sínøum endamáli, segði Jógvan á Lakjuni.
Men Jógvan Ósá leggur ikki fingrarnar ímillum í sínum svari:
– Mangan er skotið mær í skógvarnir í »Álvaratos«, at eg eri fólkafloksmaður. Og havi eg ongantíð noktað fyri tí. Men eg havi sagt, at eg ikki altíð eri samdur við tær og Jørgin Niclasen o. s. fr.
Kanska var hettar skrivað av tær fyri at skora nakrar atkvøður. Kundi hent, tað bleiv umvent. Í hvussu so er fær tú ikki mína atkvøðu aftan á hettar esilssparkið, sigur Jógvan Ósá.
