Jógvan I, sum er eitt frystilínuskip, skal eftir ætlan gera tvær setur, so koma teir inn aftur og gera klárt at fara á Flemmish Cap.
Skipari á Jógvan I er klaksvíkingurin, Heri Henriksen. Tað verða 16 mans við skipinum, og ætlanin er at hava tvær manningar.
##med2##
Jógvan I varð fyrr í ár keyptur úr Ålesund í Norra fyri umleið 60 milliónir krónur. Skipið kom til Føroya 2. desember. Tá skifti tað navn til Jógvan I.
Skipið er bygt í 1998, og hevur áður itið Atlantic. Skipið er 44,9 metrar langt og 10,5 metrar breitt. Høvuðsmotorurin og ljósmotorarnir eru Caterpillar og vórðu settir í skipið í 2018. Frystiútgerðin er frá 2012. Jógvan I er fyrsta línuskipið í flotanum, ið er útgjørt við flakalinju.
Jógvan I lastar 320 tons og kann frysta 24 tons um samdøgrið.
##med3##
