So er FM í Skeet 2016 av á hesum sinni.
Um vikuskiftið skipaði Skjótisamband Føroya fyri FM í skeet 2016. Leygardagin varð skotið á breytini hjá Vestmanna Byrsufelag (VBF), og sunnudagin á breytini hjá Veiðifelagnum Byrsumúla (VBM) í Sandvíkum.
Fyrri dagurin var seinasta umfar í liðkappingini, og úrslitini vóru hesi: Nr. 1: SBF A við 130 dúgvum og 5 stigum Nr. 2: VBF A við 121 dúgvum og 4 stigum Nr. 3: VBM A við 115 dúgvum og 3 stigum
Endaliga støðan gjørdist at SBF A vann liðkappingina við 29 stigum.
Nr. 2 gjørdist VBM A við 17 stigum og nr. 3 gjørdist SBF B við 16 stigum.
Øll úrslitini í liðkappingini síggjast á http://goo.gl/JpJU35
Eisini var hesin dagurin seinasta umfar á Føroya Cup 2016, ið er ein nýggj kapping í føroyskari skjóting.
Her vann Marius F. Joensen við 209 + 71 dúgvum, nr. 2 gjørdist Sámal E. Debes við 200 + 67 dúgvum og nr. 3 gjørdist Tórur Fløtt við 200 + 65 dúgvum
Sí øll úrslitini Føroya Cup kappingini á http://goo.gl/jRbVfW
Seinna dagin vóru føroyameistarnir fyri einstaklingar í meistarabólkinum og unglingabólkinum funnir, og varð støðan soleiðis:
Meistarar:
Vinnari Jóannis Joensen úr SBF við 109 + 14 + 15 dúgvum
Nr. 2 Tórur Fløtt úr SBF við 105 + 14 + 13 dúgvum
Nr. 3 Marius F. Joensen úr SBF við 119 + 14 + 13 dúgvum
Unglingar:
Vinnari Tórur Fløtt úr SBF við 105 dúgvum
Nr. 2 Jóhann Fløtt úr SBF við 103 dúgvum
Nr. 3 Teitur Thorleifsson úr VBF við 100 dúgvum
Kappingin gjørdist sera spennandi og jøvn millum bæði einstaklingarnar og liðini.
Eisini setti Marius F. Joensen føroyskt met við 119 dúgvum í teimum innleiðandi umførunum.
Sí øll úrslitini frá FM kappingini á http://goo.gl/VAl5Jq
Skjótisamband Føroya (SkF) Sjúrður Knudsen, form.
