Tað gekk soleiðis, sum tað varð roknað við, tá ið fjórða umfar í Betri Deildini var á skránni seinnapartin.
KÍ helt stásið við líka við at vinna 3-1 á heimavølli ímóti AB. Stóri maðurin á heimaliðnum var Jóannes Bjartalíð, sum skoraði øll trý heimamálini. Harvið er hann saman við Meinhard E. Olsen hjá B36 ovast á máltindinum.
Tá ið Rasmus Dan Sørensen hjá AB minkaði um munin til 2-1, var tað fyrsta málið yvirhøvur, sum fór ígjøgnum hjá KÍ í ár.
Eftir tvey tap á rað reisti Víkingur seg á heimavølli ímóti B36. Meinhard E. Olsen legði B36 framum. Hann hevur skorað í øllum fýra umførunum. Tvey framúr mál, sum Adrian Cascaval skoraði, bóru heimasigurin við sær. Í báðum førum var talan um mál, sum vórðu skorað beinleiðis uppá fríspark, og í báðum førum varð bólturin sendur uppum manngarðin og dygst undir samankomingina.
Í Runavík vann NSÍ 3-1 ímóti 07 Vestur. Tað verður bíðað eftir, at Klæmint A. Olsen skal taka málmetið. Tað varð ikki í dag. Eftir málleysan fyrra hálvleik skoraðu Árni Frederiksberg, Jóhan Troest Davidsen og Pól Jóhannus Justinussen. Gilli Samuelsen minkaði um munin til 2-1.
Á Hólmanum á Eiði eydnaðist tað HB at vinna 2-0. Einasta málið skoraði Símun Samuelsen við brotssparki miðskeiðis í seinna hálvleiki, eftir at Dan í Soylu varð feldur. Arnbjørn Hansen varð skiftur inn á EB/Streyma liðið, og hann fekk bóltin í HB málið, men tað varð bríkslað fyri rangstøðu.
Í gjárkvøldið vann Skála 3-0 á heimavølli ímóti Suðringum.
Fimta umfar verður longu hósdagin, og sætta umfar verður um eina viku.
KÍ - AB 3-1 (2-0)
1-0: Jóannes Bjartalíð 12.
2-0: Jóannes Bjartalíð 31.
2-1: Rasmus Dan Sørensen 60.
3-1: Jóannes Bjartalíð br 63.
EB/Streymur - HB 0-1 (0-0)
0-1: Símun Samuelsen br
Víkingur - B36 2-1 (1-1)
0-1: Meinhard E. Olsen 4.
1-1: Adrian Cascaval 33.
2-1: Adrian Cascaval 69.
NSÍ-07 Vestur 3-1 (0-0)
1-0: Árni Frederiksberg
2-0: Jóhan Troest Davidsen
2-1: Gilli Samuelsen
3-1: Pól Jóhannus Justinussen
Leygardagin
Skála - Suðringar 3-0 (1-0)
1-0: Brian Jakobsen 4.
2-0: Andri Benjaminsen 81.
3-0: Brian Jakobsen 86.
| KÍ | 4 | 4 | 0 | 0 | 8 | 1 | 12 |
| NSÍ | 4 | 3 | 0 | 1 | 9 | 3 | 9 |
| EB/Streymur | 4 | 2 | 1 | 1 | 6 | 3 | 7 |
| HB | 4 | 2 | 1 | 1 | 4 | 5 | 7 |
| Skála | 4 | 2 | 0 | 2 | 5 | 3 | 6 |
| Víkingur | 4 | 2 | 0 | 2 | 5 | 5 | 6 |
| B36 | 4 | 1 | 1 | 2 | 6 | 6 | 4 |
| Suðroyingar | 4 | 1 | 0 | 3 | 2 | 9 | 3 |
| AB | 4 | 0 | 2 | 2 | 2 | 6 | 2 |
| 07 Vestur | 4 | 0 | 1 | 3 | 3 | 9 | 1 |
Fimta umfar
Hósdagin 12. apríl
EB/Streymur - NSÍ
Skála - HB
07 Vestur - KÍ
B36 - Suðroyingar
AB - Víkingur
