Á samkomu í hølunum hjá Javna var samkoma fríggjadagin. Har varð Jóannes Jakobsen heiðraður fyri tað arbeiðið, hann hevur gjørt fyri at menna tey menningartarnaðu.
Serliga er Jóannes Jakobsen vorðin kendur í Føroyum sum eldsálin aftan fyri M'as Bluesband, sum aftur hava givið fløgu út.
Jóannes er ein av stigtakarunum til orkestrið og hevur trúliga hildið á og ment tær gávur, tey menningartarnaðu hava.
Á samkomuni helt formaðurin í Javna, Malena Arnoldsdóttir, røðu, har hon fagnaði Jóannesi og tók júst M'as Bluesband fram sum eitt herðaklapp til hansara.
Jóannes Jakobsen varð heiðraður við heiðursbrævi.
Fólk hugnaðu sær á samkomuni við práti, gløgg og holukøkum.
