Jóannes Vitalis Hansen úr Havn er nýggjur formaður í Unga Tjóðveldinum.
Unga Tjóðveldið hevði um vikuskifið ársfund á Kambsdali, har millum annað nýggj nevnd varð vald. Og tá forkvinnan gjøgnum nógv ár, Annlis Bjarkhamar, ikki valdi at stilla upp aftur, skuldi eisini nýggjur formaður finnast.
Nýggja nevndin hjá Unga Tjóðveldinum hevur skipað seg við Jóannes Vitalis, sum formanni, Rúna Nielsen, sum næstformanni, Katrin Bech, sum skrivara, Jógvani Philbrow sum kassameistara og Jógvani Jacobsen sum talsmanni.
Ársfundur Unga Tjóðveldissins staðfesti, at einasta virðiliga støða fyri tjóðina er, at Føroya fólk skipar seg sum sjálvstøðugt lýðveldi.
