Jóanes Nielsen elskar Gud

»Aftan á undrið» er eitt dømi um áhaldandi kærleiksstríðið hjá leikhøvundanum við Gud, sigur leikstjórin Guðjón Pedersen, sum ikki kennir nakað listafólk, sum elskar Gud so høgt, sum Jóanes Nielsen

Anna V. Ellingsgaard

16.10.2009 (13:46)

<style type="text/css">  </style>   <o:p> </o:p>
Tað hevur kravt sín leikstjóra at at seta upp nýggja leikin hjá Jóanesi Nielsen »Aftan á undrið«. Tí varð eisini leitað til Íslands eftir einum tí mest roynda leikstjórnum har, Guðjóni Pedersen, sum hevur meir enn 20 ár á baki sum leikstjóri.<o:p></o:p> Sum eitt tað fyrsta fór leikstjórin undir at lesa tað mesta av tí, sum Jóanes Nielsen hevur skrivað fyri at seta seg inn í hansara myndamálsliga og lívsfilosofiska heim.<o:p></o:p> - Fyri meg snarar meginparturin av ritverkinum hjá Jóanesi Nielsen um hansara áhaldandi kærleiksstríð við gud. Eg kenni onki listafólk, sum elskar gud so høgt sum Jóanes Nilesen. Tað fært tú hann bara aldrin at viðganga, flennir leikstjórin.<o:p></o:p> Eftir hansara tykki kemur hetta kærleiksstríðið týðiligast til sjóndar í hesum leikinum, tá tú byrja at ivast í, um hetta er ein sorgarleikur ella ein fagnaður av lívinum.<o:p></o:p> - Á ein hátt er hetta ein syrgilig søga. Men hetta er eisini ein gleðiligi søga í tann mun, at tað kann vera ein lætti at fáa nakað ræðuligt at vita um seg sjálvan, tí so hevur tú fingið eina vissu, sum ger, at tú kanst liva víðari, sigur Guðjón Pedersen heldur kryptiskt.<o:p></o:p> <o:p> </o:p> Upp til stjørnurnar<o:p></o:p> Stóra avbjóðingin hjá leikstjóranum hesuferð hevur verið arbeiðið við markinum millum dreym og veruleika.<o:p></o:p> - Í fyrsta umfari havi eg verið noyddur at finna ein máta at skilja dreym og veruleika sundur, so leikurin ikki blívur eitt LSD-tripp, har alt bara flýtur saman. Hinvegin, so blívur dreymur ein partur av veruleikanum í leikinum sum frá líður, og tá má eg finna ein máta at taka markið burtur aftur, sigur leikstjórin og leggur afturat<o:p></o:p> - Eina dreymasøgu kanst tú altíð fortelja, men tað nyttar onki, um hon ongan logikk hevur. Tú mást fáa tingini niður á jørðina, áðrenn tú kanst klatra upp á stjørnurnar, sigur leikstjórin, sum á ongan hátt hevur kent seg avmarkaðan av at arbeiða í einum so lítlum leikhúsi sum Tjóðpallinum.<o:p></o:p> - Tvørturímóti. Tað hevur verið reint luksus at arbeiða á einum teatri, har fólk eru so eldhugað og geva seg sjálvi fult og heilt.  Eg havi abeitt á nógvum stórum teatrum, men nógv av teimum eru at líkna við reinar fabrikkir. Umhvørvið her hevur eina heilt aðra sál, sigur leikstjórin, sum eisini er sera glaður um samstarvið við Jóanes Nielsen.<o:p></o:p> - Vit hava havt endaleys prát, ið sum oftast eru byrjað við kaffi og endað við whiskey. Og so havi eg gjørt honum greitt, at um hann ikki lítur á meg, so má hann finna sær ein annan leikstjóra. Tað hevur hann so ikki gjørt enn, so mítt arbeiði má hava verið á eini leið, smílist leikstjórin.<o:p></o:p> <o:p> </o:p> <o:p></o:p> <o:p> </o:p> <o:p> </o:p>

Jóanes Nielsen elskar Gud

Mest lisið

Flýddi undan Putin í einari deyðari kúgv

Blaðungar kvinnur funnar deyðar á sjónum í Onglandi

Bátastevnan endaði í brummuni

Tunnil millum flogvøllin og Vágatunnilin

Vildi ikki fara av matstovu – endaði í brummuni

Svenski Eurovision luttakarin svímaði eftir framførslu

Celtic knústi hjørtuni hjá Hearts

Stjórnin hjá Trump hevur trygdina fremst í huga

Gittarfokus

Vil vita hví vit ikki hava MobilePay í Føroyum