Lisbeth Palme ivast ikki í hvør tað var, ið drap mann hennara, Olof Palme. Tað eru í dag liðin 25 ár, síðani forsætisráðharrin varð myrdur eftir ein biograftúr við konuni. Hóast málið skjótt gjørdist til eitt av størstu kanningararbeiðinum í søguni, er eingin í dag dømdur fyri drápið.
Men einkjan hjá Olof Palme, Lisbeth Palme, er ikki í iva um, hvør skjeyt mann hennara, sum hon hevði verið gift við í 30 ár.
Eg havi jú peika drápsmannin út, sigur 79 ára gamla Lisbeth Palme í samrøðu við svensku radiostøðina, SR.
Sambært henni er Christer Petterson hin seki. Hann varð eisini handtikin og dømdur í býarrættinum. Tað var fyrst og fremst vitnisfrágreiðingin hjá Lisbeth Palme, sum dømdi hann. Seini varð hann tó fríkendur í landsrættinum.
Christer Petterson doyði í 2004 við rætsins orðum fyri, at hann ikki hevði dripið forsætisráðharran. Men hóast hetta eru tað fleiri, sum meta Petterson sum tan seka, millum onnur løgreglumaðurin Ingemar Krusell, rithøvundurin Jan Guillou og Lisbeth Palme.
Síðani drápið av Olof Palme hava 130 fólk viðgingið drápið, men eingi hava verið nóg trúverdug, skrivar BT.
