- Tað kann koma okkum aftur um brekku, um vit skerja danskt í fólkaskúlanum, sigur Herálvur Jacobsen, formaður Føroya Lærarafelags í grein á heimasíðuni hjá Skúlablaðnum.
So leingi sum stórur partur av okkara ungfólki fer til Danmarkar at nema sær hægri útbúgving, er tað umráðandi at læra danskt til lítar. Tí eiga vit at læra danskt væl og virðiliga í fólkaskúlanum. Tað heldur Herálvur Jacobsen, formaður Føroya Lærarafelags. Danskt tykist tó mangan at vera tað fyrsta nógv hugsa at skerja, tá ið talan er um at taka tímar frá onkrari lærugrein; soleiðis hevur eisini verið, nú fólkaskúlin hevur verið á breddanum aðalorðaskifti á ting, skrivar Herálvur Jacobsen.
Umframt er tað sera hent at duga danskt til lítar í norðurlendskum høpi. Verður frálæran í donskum ein viðfáningur, missa vit tað, og enskt tekur yvir; tað fær avleiðingar fyri, hvussu vit klára okkum í norðurlendskum høpi, og tað fær avleiðingar fyri okkara førleikar at lesa og samskifta á donskum, tá ið vit skulu útbúgva okkum, skrivar formaður Føroya Lærarafelags m.a. víðari í greinini, sum sæst í fullari longd her:
http://lararafelag.fo/ivasamt-um-tað-er-rætt-at-skerja-tímatalið-í-donskum
