Tvøroyrar býráð hevur gjørt av at útskriva kapping um búmerki til Ítróttardepilin við Stórá. Ynskið er at fáa eitt savnandi búmerki sum lýsir, at talan er um eitt ítróttarøki.
- Búmerkið skal kunna brúkast á bygninginum, men eisini á eitt nú brævpappíri, heimasíðum, marknaðarføringstilfari og øðrum.
Kommunan vísir á, at uppskot skulu verða í støddini A4 og skulu sendast til kommununa í afturlatnum brævbjálva, merktur ”við Stórá - búmerkjakapping”.
- Navnið á luttakaranum skal ikki skrivast á uppskotið, men leggjast í ein afturlatnan brævbjálva saman við uppskotinum.
Lagt verður aftrat, at innlatingarfreistin er 1. mars 2016 klokkan 12, og vinnandi uppskotið fær virðisløn á 5.000 krónur.
