Í Italia mintust fólk í gjár politikaran Aldo Moro, sum bleiv burturfluttur og myrdur fyri 30 árum síðani Leiðandi italskir politikarar mintust í gjár fyrrverandi forsætisráðharran Aldo Moro, sum bleiv burturfluttur tann 16. mars í 1978.
Tað var yvirgangsfelagsskapurin Reyðu Brigadurnar, sum burturfluttu hann. 55 dagar seinni var líkið av honum funnið í viðførisrúminum á einum bili.
Romano Prodi, forsætisráðharri, og Giuliano Amato, innanríkisráðharri, løgdu í gjár kransar við tað staðið í Rom, har Aldo Moro bleiv burturfluttur fyri 30 árum síðani.
