Italia fekk sítt fyrsta stig á heimavølli í Siracusa í kvøld. Mótstøðuliðið varð Bosnia, sum Føroyar taptu ímóti í farna mánað. Dysturin millum Italia og Bosnia endaði við javnleiki 25-25. Hálvleiksstøðan varð 10-9 til Italia. Italia skuldi annars verið tað liðið, sum Føroyar skuldu havt frægast møguleika at staðið seg ímóti, men nú vita vit so, at mótstøðan verður ríkiliga stór, tá Italia og Føroyar møtast á Sicilia, komandi sunnudag klokkan 18. Sjónvarp Føroya sendir dystin beinleiðis.
