Ísraelski forsætisráðharrin, Benjamin Netanyahu, sigur seg nú vera sinnaðan at byrja samráðingar um eina vápnahvíld í Gazageiranum.
Tað veit ísraelska tíðindastovan, Haaretz, at siga seinnapartin.
- Endamálið er at fáa ein enda á krígnum og gíslarnar leyslatnar, sigur forsætisráðharrin.
Fyrr í hesu vikuni løgdu Egyptaland og Hamas fram eitt uppskot um vápnahvíld í Gazageiranum, sum Hamas segði seg kunna góðtaka.
Norska kringvarpið - NRK - veit at siga, at uppskotið líkist nógv uppskotinum, sum amerikanski sendimaðurin, Steve Witkoff, áður hevur lagt fram.
