Íslendski forsetin, Guðni TH. Jóhannesson, hevur í hesum sambandi sent løgmanni og øllum føroyingum eina tøkk.
Tað boðar Løgmansskrivstovan frá á Instagram vanga sínum.
- Vegna allar íslendingar, takki eg føroyingum fyri vinarlagið og stuðulin, sum er vístur íbúgvum í Grindavík og okkum øllum eftir seinastu eldgosini á Reykjanesi. Peningurin sum er savnaður inn til Reyða Kross í Føroyum, kemur væl við. Vit standa yvirfyri einari stórari uppgávu at tryggja varandi bústaðarloysnir. Eg ynski føroyingum, okkara góðu vinum, alt tað besta.
Hetta sigur Guðni TH. Jóhanneseson, forseti Íslands.
