Ísland ætlar at vera vertur fyri HM í manshondbólti í 2031

Íslendska hondbóltssambandið, HSÍ ætlar saman við norsku og donsku hondbóltssambondunum at vera vertur fyri HM í manshondbólti í januar í 2031.

Tað sum ger tað møguligt hjá íslendingum at átaka sær HM-vertsleiklutin saman við Noregi og Danmark er, at nýggja tjóðarhøllin í Laugardalinum í Reykjavík stendur klár um nøkur ár.

Býráðið í Reykjavík samtykti ígjár uppskotið hjá borgarstjóranum, Ein­ari Þor­steins­syni at stuðla umsóknini hjá HSÍ.

Íslendska stjórnin stuðlar eisini umsóknini.

Seinast Ísland var vertur fyri HM-endaspælinum í manshondbólti var í 1995. Tá var Ísland einsamøll vertstjóð.