Svøríki hevur í nøkur ár spælt uttan heimsstjørnuna Zlatan Ibrahimovic, sum eisini er komin upp í fótbóltsárini. Hann skuldi tó taka eitt tak afturat við Svøríki til hetta EM-endaspælið, men bleiv skaddur.
Tað er nokk ongin ivi um, at tað er eitt liðavrik, sum skal bera Svøríki til hetta endaspælið, men uttan Zlatan Ibrahimovic, so skal onkur taka yvir í álopinum. Her verður ein partur av álitinum lagt á Alexander Isak, sum spælir við spanska Real Sociedad. Hann skoraði millum annað tvey móti Føroyum á Tórvølli í 2019. Av øðrum kunnu nevnast Emil Forsberg úr týska RB Leipzig og Victor Lindelöf úr Manchester United.
Svøríki hevur havt avbjóðingar við koronusmittuni í upptaktini til dystin. Bæði Dejan Kulusevski og Mattias Svanberg hava fingið staðfest koronu. Vónin hjá svenskarunum er at koma víðari úr bólkaspælinum, men í kvøld eru teir ikki favorittar, hóast Spania er í holt við ættarliðsskifti.
Bólkur E:
Spania – Svøríki (20.00)
Dómari: Slavko Vinčić, Slovenia
Leikvøllur: La Cartuja í Sevilla, Spania
Svøríki: Olsen; Lustig, Lindelöf, Danielson, Augustinsson; S. Larsson, Ekdal, Olsson, Forsberg; Isak, Berg
Hópurin hjá Svøríki:
Málverjar:
Robin Olsen, Everton
Kristoffer Nordfeldt, Gençlerbirligi
Karl-Johan Johansson, FC Köpenhamn
Verjuspælarar:
Victor Nilsson Lindelöf, Manchester United
Pontus Jansson, Brentford
Marcus Danielson, Dalian
Andreas Granqvist, Helsingborgs IF
Pierre Bengtsson, Vejle BK
Filip Helander, Rangers
Mikael Lustig, AIK
Emil Krafth, Newcastle
Ludwig Augustinsson, Werder Bremen
Miðvallarar:
Albin Ekdal, Sampdoria
Sebastian Larsson, AIK
Kristoffer Olsson, Krasnodar
Viktor Claesson, Krasnodar
Dejan Kulusevski, Juventus
Emil Forsberg, RB Leipzig
Mattias Svanberg, Bologna
Ken Sema, Watford
Jens Cajuste, Midtjylland
Gustav Svensson, Guangzhou
Áleyparar:
Alexander Isak, Real Sociedad
Robin Quaison, Mainz
Marcus Berg, Krasnodar
Jordan Larsson, Spartak Moskva
