Tað er alneyðugt, at altjóða samfelagið tekur seg saman um at leggja stórt trýst á Iran til tess at fáa landið at sleppa sínum kjarnorkuvápnaætlanum. Tað sigur amerikanski verjumálaráðharrin, Leon Panetta.
-Vit leggja nú ovurhonds trýst á Iran við tí fyri eyga at avbyrgja landið frá umheiminum, segði Panetta við tíðindafólk, tá hann í gjár vitjaði eina amerikanska herstøð í Týsklandi. Spurdur, um tað kann koma upp á tal at søkja at iranska kjarnorkuútbúnaðinum, svaraði Panetta, at vil Iran ikki slaka, standa allir møguleikar opnir.
Ísrael hótti fyrradagin við at gera lopftálop á kjarnorkuútbúnaðin í Iran við ella uttan amerikanska luttøku. Hetta er ikki fyrstu ferð, at Ísrael hevur hótt við at bumba kjarnorkumál í Iran.
