Sagt verður við hesum frá, at venjarin í 1. deild Ion Geolgau hevur boðað felagnum frá, at hann ynskir at verða loystur úr starvi sínum sum venjari frá ídag at rokna. Nevndin í felagnum hevur tikið hesa støðu til eftirtektar.
Venjarin tók við starvi 1. februar 1998, og varð felagið meistari tað árið. Árið eftir var eitt 4. pláss, meðan 3. árið var felagið á 2. plássi og bert ein javnleik frá meistaraheitinum. Venjarin hevur mett, at nýggjur íblástur tænir liðnum best, og hevur tí valt at steðga, hóast sáttmálin eisini er galdandi fyri komandi ár. Nevndin vil nýta høvi til at takka venjaranum fyri hansara arbeiði sum venjari, og annars fyri sera gott samstarv hesi 4 árini.
Tórshavn, 10. september 2001
Havnar Bóltfelag
Sum tað framgongur av omanfyristandandi tíðindaskrivi, so hevur venjarin hjá HB, Ioan Geolgau, valt at siga venjarastarvið frá sær.
Vit royndu týsmorgunin at fáa eina viðmerking frá Ion, men tíverri eydnaðist okkum ikki at fáa orðið á hann.
-jm
