Tom Cruise innspælir nú fylgjaran til Top Gun frá 1986. Hetta hevur verið í væntu, og hava mong tí bíðað eftir hesum. Nú, 32 ár seinni, er hetta veruleiki.
Á Twitter hevur Cruise postað mynd frá upptøkunum, har høvuðspersónurin Maverick í filminum heldur hjálmi sínum, meðan hann hyggur yvir at hangarinum, har flogfarið er.
Tað sigst, at søgugondin er dagførd, og at talan er um nýmótans krígsførslu, har eittnú dronur eru við. Persónurin, sum Cruise spælir, og sum er søguligur í filmshøpi, er fyrimynd og lærari hjá nýggju, harðføru flogskiparunum.
Filmurin hevur eftir ætlan frumframførslu tann 12. juli 2019.
