Innskriva børn til 1. flokk í 14 skúlum

Tórshavnar kommuna skipar fyri felags innskrivum av børnum til kommunalur skúlarnar, forskúla og frítíðarskúla fyri komandi skúlaár í býráðssalinum í Havn týsdagin 21. og mikudagin 22. januar.

Kommunan hevur boðað frá, at foreldur ella verjar, ið ætla at lata børn fødd fyri 1. januar 2008 í 1. flokk í Tórshavnar kommunalu skúlar næsta skúlaár, verða biðin at siga frá týsdagin 21. ella mikudagin 22. januar 2014.

Hóast tað ber til at biða um at fáa børn í ein ávísan skúla, so er ikki altíð vist, at tað ber til. Kommunan sigur, at um pláss ikki er fyri øllum teimum næmingum, sum búgva næst við ávísan skúla í kommununi, verður neyðugt at flyta næmingar í skúla, har pláss er.

Tá ið felagsinnskrivingin er liðug, fáa foreldrini boð frá skúlanum, har barn teirra skal í 1. flokk.

Samstundis ber eisini til at skriva børn upp til forskúla í Sankta Frans skúla ella í forskúlan í Skúlanum á Argjahamri. Tey foreldur, ið ynskja tað, verða eisini biðin at siga frá í býráðssalinum týsdagin 21. ella mikudagin 22. januar 2014.

Foreldur ella verjar, ið ætla at skriva børn í forskúla

í Sankta Frans skúla ella i forskúla í Skúlanum á Argjahamri, verða eisini biðin at siga frá í býráðs-salinum týsdagin 21. ella mikudagin 22. januar 2014.

Niðanfyri sæst býtið av næmingum á ymsu skúlunum í Tórshavnar kommunu: