Beint fyri klokkan fimm í morgun fekk løgreglan fráboðan um ein bil, sum var farin útav á Gøtueiði. Bilførarin var einsamallur í bilinum og eingin annar bilur var uppi í óhappinum. Boð vórðu send eftir sjúkrabili og tá ið tað vísti seg, at bilførarin hevði trupulleikar at anda, varð hann tískil lagdur á Landssjúkrahúsið.
Løgreglan hevur eisini tikið blóðroynd av honum at vita um rúsdrekka var uppií. Óhappið var so mikið ógvusligt, at bilurin er fluttur á Akstovuna til tekniskar kanningar. Tað er óvist um bilførarin hevði verið á G! festivalinum, men annars sigur løgreglan, at festivalurin var friðarligur.
Samarittar og sjúkrarøktarfrøðingar vóru á festivaløkinum og tey tóku sær av tí mesta sum var og tað sum var at gera, var í mesta mun í samband við fólk, sum høvdu drukkið ov nógv, sigur løgreglan.
|
