13. februar skipa Fótbóltsfelagið Giza fyri innandura kapping, og verður hendan hildin í Hoyvíkarhøllini. Talan er um firma-kapping, og tí er tann avmarking sett, at liðini í mesta lagi kunnu hava ein spælara, sum í 2009 tók lut í Vodafonedeildini, 1. deild ella 2. deild. Tað er loyvt fleiri virkjum at leggja saman fyri at stovna lið, og ein skiftisspælari kann eisini vera í hópinum, skrivar Giza á heimasíðu sínari.
