Tað er stórur spenningur í FM kappingini millum Huldu av Tvøroyri og Ingibjørg hjá Havnar Róðrarfelag.
Hulda er eitt stig undan Ingibjørg, sum í dag vann í Sørvági. Harvið er FM spenningurkin varðveittur. Hulda er bara eitt stig undan Ingibjørg. Tann av hesum báðum bátum, sum verður fremri á ólavsøku fer at vinna FM.
Eftir tveir sigrar á rað endaði Ingibjørg nummar trý á varmakeldu. Á fjarðastevnu á Stondum var Ingibjørg næstfremst, og í dag eydnaðist tað havnargentum at vinna á Huldu, sum hevur verið fremst undanfarnu ferðirnar.
Ingibjørg legði seg skjótt eina bátslongd framum Huldu, sum í endaspurtinum royndi at svara aftur, uttan at tað eydnaðist.
Beinta og Rókur fóru stavn um stavn um málið, og báðir bátarnir vórðu dømdir at verea nummar trý.
1 Ingibjørg 2:41.25
2 Hulda 2:43.02
3 Beinta 2:45.21
3 Rókurin 2:45.21
4 Tambar 2:46.09
5 Spógvin 2:47.18
6 Heykur 2:48.16
7 Dúgvan 2:48.35
8 Ørnin 2:51.18
9 Karin 2:53.00
10 Sílið 2:53.35
11 Fiskurin 2:56.10
12 Títlingur 2:59.23
FM
1 Hulda 39
2 Ingibjørg 38
3 Rókurin 29
