Ingi og VÍF royna seg ímóti Neistanum í kvøld

SMS-deildin, 03/12/2019

Klokkan 18.30: Neistin - VÍF, Høllin á Hálsi (FM1 sigur frá)

VÍF spælir sín fyrsta dyst síðani bráða venjaraskifti herfyri, og kann taka oddasessin um tað eydnast at vinna á Neistanum í Havn.

Sí eisini:

Dia givin í VÍF - Ingi tekur yvir

VÍF hevur havt eitt hampuligt kappingarár, eftir at liðið var fyri stórum broytingum í hópinum.

VÍF hevur vunnið rættiliga greitt á øllum uttan H71, sum hevur vunnið báðar dystirnar á VÍF.

Neistin hevur hinvegin so at siga bert vunnið á teimum trimum niðastu liðunum í deildini - uttan eina stórsigurin á H71 fyri júst einum mánaða síðani. Tá var lykilin eitt framúr verjuavrik, og tað skal tað aftur vera í kvøld, um tað skal eydnast at basa VÍF, sum skjýtur eini 28 mál í miðal hetta kappingarárið.

Neistin kann eisini við sigri í dag taka H71 aftur á triðja plássið í tøttu kappingini um fremstu plássini. Enn meira umráðandi, man vera hjá Neistanum, at leggja uppaftur størri fjarstøðu til fimta plássið fyri at røkka málinum um at enda millum fýra tey fremstu og sostatt spæla hálvfinalur.

Hetta er annar dystur av trimum millum liðini. Fyrsta dystin vann VÍF 25-20.

Innanhýsis dystir

Støðan í SMS-deildini (hsf.fo)