Eins og Toyota hava Lexus og Honda hava Acura, sum serliga eru ætlaðir til amerikanska marknaðin, er Infiniti luksusbilmerki hjá Nissan.
Infiniti hava als ikki verið seldir í Evropa áður, men nú eru teir ávegis.
Eftir ætlan koma teir næsta ár til Kina og Ukraine, og í 2008 koma teir so til Evropa og verða eisini seldir í Danmark og í Føroyum.
Infiniti, ið verða gjørdir bæði í Japan og USA, eru stórir flottir luksusbilar við V6 og V8 motorum. Um teir vórðu seldir í Danmark í dag, hevði prísurin ligið frá 800 túsund til 1,4 millión. Her hjá okkum verða teir ivaleyst væl bíligari.
