Teir brasilsku indiánararnir eru illir um, at pávin á einum fundi við suðuramerikanskar kirkjuleiðarar hevur sagt, at upprunafólkið í Suðuramerika tók sjálvboðið við kristnari trúgv. Eingin noyddi tey at taka við trúnni, segði Benedikt pávi.
-Innast inni longdist teimum eftir kristindóminum, og tey tóku væl ímóti teimum kristnu trúboðarunum, segði pávin á fundinum við kirkjuleiðararnar.
Hendan tulkingin av søguni er fallin temum brasilsku indiánarunum fyri bróstið. Í einari kunngerð siga teir, at orð pávans eru merkt av hásinni og vantandi virðing.
Fleiri milliónir indiánarar lótu lív, tá evropeararnir løgdu Suðuramerika undir seg í 16. øld, og tann katólska kirkjan styðjaði hjálandapolitikkin.
