Toomas Hendrik Ilves varð í dag afturvaldur til forseta í Estlandi eitt valskeið afturat. Tað var tjóðartingið, sum valdi forsetan, og Ilves fekk undirtøku frá 73 av teimum 101 tinglimunum.
Tann 57 ára gamli Toomas Hendrik Ilves, sum umboðar sosialdemokratiska flokkin, hevur verið forseti síðani 2006.
Estland kom upp í ES og NATO í 2004, og í januar í ár fór landið eisini upp í evrusamstarvið.
