Fleiri harðar meldurhvirlur herjaðu amerikonsku suðurstatirnar í gjár. Í býnum Enterprise í statinum Alabama doyðu átta fólk, tá ein meldurhvirla rakti og oyðilegði ein skúla. Umleið 40 fingu skaða.
Í Miller´s Ferry her vesturi í statinum Alabama doyðu fimm fólk, og í Missouri kostaði illveðrið einaru sjey ára gamlari gentu lívið.
George W. Bush, forseti, hevur boðið sær til at senda teimum neyðstøddu hjálp.
