Sambært skránni skuldi fyrsta bríksl við Margáir í kvøld vera klokkan 18.30, tá ið toppliðið í fyrstu deild, EB/Streymur, skuldi hava vitjan av teimum næstbestu hjá KÍ.
Spælararnir møttu við Margáir, og tað gjørdi dómarabólkurin við Bjarka Danielsen á odda eisini.
Fyri tey, sum eru stødd í miðstaðarøkinum og longri syðri í landinum ljóðar tað púra veruleikafjart, men tað er ein veruleiki. Tað eru so vánalig líkindi við Margáir í kvøld, at tað er ikki hugsningur um at spæla fótbólt.
Tí avgjørdi dómarin, at tað bar ikki til at spæla, og harvið eru klaksvíkingarnir á veg til hús aftur við vitanini um, at teir skulu aftur í Sundalagi, tá ið líkindini verða betri.
