?Á summarfestivalinum møtir man so nógvum fólki. Eisini nýggjum fólki,? siga teir tríggir vinmenninir Bjarti Johannesen, Haldur í Geil og Áron Vest ?Eg haldi, at Shu-Bi-Dua vóru ótrúliga góðir í gjár. Men Páll Finnur Páll var eitt sindur for langt úti,? sigur Haldur, sum býr í Runavík.
?Mær dámdi best Synarchy og Hamferð. Teir spældu so sjúkliga væl. Mær dámar væl Summarfestivalin, tí man møtir alla tíðina fólki. Tað tykist sum um, at fólk als ikki eru smæðin á festivali,? sigur Aron, sum býr í Klaksvík.
?Í kvøld fara vit at lurta eftir Westlife. Ikki tí at tað sigur okkum nakað serligt, men tað verður fínt at lurta eftir,? sigur Bjarti, sum eisini er úr Klaksvík.
?Tað rotna við Westlife er, at teirra størstu hitts eru alt coverløg sum til dømis Uptown Girl hjá Billy Joel,? sigur Haldur at enda.
