Ikki sendast av landinum enn

Tað heldur Fisk­i­manna­fel­­agið.
Jan Højgaard, formaður í Fisk­i­mannafelagnum, biðj­ur nú Johan Dahl, lands­stýr­ismann í vinnumálum, tryggja, at bíðja við at senda út­lendsku fiskimenninar av land­inum, til umstøðurnar hjá monn­unum eru kannaðar og lýstar til fuln­ar.
Ongin greiða tykist vera á, hvørja støðu manningin er kom­in í eftir vanlukkuna 11. feb­ruar, sum kravdi eitt mann­alív og nú er einasta av­leið­ingin fyri teir, at teir verða sendir heim.
Jan Højgaard sigur, at tað er óvissa um støðuna hjá mann­ingini. Tað er eisini óvist um reiðaríið fer at rinda monn­unum hýru og annars halda sínar skyldur mótvegis manningini,­
Hóast útlendingamál er danskt málsøki, eiga før­oysk­ir myndugleikar at taka á­byrgd av, at útlendingar um­borð á føroyskum skip­um und­ir før­oyskum flaggi verða virðiliga við­farn­ir, sigur formaðurin í Fiskimannafelagnum.
Hann sigur, at málið hev­ur bráskund, tí sam­bært løg­regl­uni skulu út­lend­ing­arnir send­ast av land­i­num við fyrsta flog­far­i­num í morginsárið, á Græk­ar­is­messu, mikudagin 12. mars.