ÍF hevur í dag vunnið trý stig í Gundadali. Úrslitið ímóti teimum næstbestu hjá HB vaeer 1-0 til ÍF.
Málið skoraðu fuglfirðingar longu, tá ið ein lítil løta var farin.
Málskjútti var Gundur E. Petersen, og uppleggið átti Dánjal á Lakjuni. Gundur E. Petersen hevur higartil í ár skorað trý mál.
ÍF var meiri á bóltinum, og ÍF vann tíggju hornaspørk, meðan HB vann fýra hornaspørk.
Í royndum ímóti málinum var tað meiri javnt, og bæði liðini høvdu einstakar góðar málmøguleikar.
Síðsta vikuskifti varð nógv tos um, at Dan í Soylu og Pætur J. Petersen vóru á næstbesta HB liðnum allan dystin á tamb á Sandi, har B71 vann 2-0.
Í dag var einki at síggja til Dan í Soylu og Pætur J. Petersen. Tað kundi bent á, at teir í morgin ímóti 07 Vestur eru ætlaðir at eiga onkran leiklut. Merkisvert var tað eisini, at ÍF liðformaðurin Karl Løkin longu í 9. minutti noyddist skaddur av vøllinum. Í hansara stað varð settur 18 ára gamli Aron Kensson.
ÍF er topplið við 19 stigum fyri sjey dystir, og HB hevur 9 stig fyri sjey dystir.
Um eina viku fær ÍF vitjan av 07 Vestur, og um eina viku fer HB at spæla grannauppgerð ímóti Undrið FF.
