ÍF eigur framvegis metið

Tað hevur verið kappast í steypakapping í flogbólti hjá monnum síðani 2000. Í kvøld var 23. finalan, og higartil hava fýra feløg vunnið steypafinalur.

Fyrstu finaluna – hana í 2000 – vann Mjølnir við sigri á FLEYR.

Árið eftir – í finaluni í 2001 – vóru tað somu feløg, sum í kvøld spældu finalu, sum dystaðust. Ta ferðina vann ÍF 3-0.

Umframt Mjølnir og ÍF hava SÍ og FLEYR vunnið finalur.

Flest finalur hevur ÍF vunnið. Fuglfirðingar hava vunnið níggju finalur.

Í kvøld vann Mjølnir fyri sættu ferð steypakappingina. Mjølnir hevur vunnið í 2000, 2006, 2007, 2019, 2020 og so í 2022.

SÍ hevur vunnið finaluna sjey ferðir – SÍ seks ferðir, og SÍ b í 2018.

Fjórða felagið, sum hevur vunnið steypafinalu í mansflogbólti, er FLEYR, sum vann í 2017.