Tað varð avdúkað fyri einari løtu síðani, at Ide Møblar vunnu kappingina um at gerast Ársins Handil.
Tað var ein fegin og stoltur stjóri, sum tók ímóti heiðrinum, og hann nýtti høvi at ynskja Jógvan Weihe, ið gjørdist nummar trý, og Berglon, ið gjørdist nummar tvey, tillukku.
- Tað er eingin loyna, at handlarnir hvør í sínum lag royna at fáa folk at atkvøða fyri sínum handli. Men tað er fyrst og fremst starvsfólkunum fyri at takka, at vit enn einaferð eru kosin sum ársins handil, segði Birgir Andreasen.
Eini 150 fólk eru á Hotel Føroyum í kvøld til gallaveitsluna hjá Vikublaðnum, og nú tað so smátt nærkast miðnátt, er borðhaldið um at vera liðugt, og fólk gera seg til reiðar at svinga á dansigólvinum.
Og væntast kann eitt gott dansikvøld, tí tað eru Kim Hansen, James Olsen og Pauli Magnussen.
