Í kjaksendingini hjá Óla Breckman í gjár, var sambandi millum mentan, list og politikk viðgjørt. Millum gestirnir hjá Óla var Rani Nolsøe, sum í mong ár framførdi, og framvegis framførir, kenda politiska tónleikin hjá Frændum.
Óli Breckman tekur fatur í, at Rani nú er leiðari á íverksetara húsinum, sum eggjar til produktivitet sambært marknaðartreytunum, hóast at Frændur kanska skrivaði atfinningarsamar sangir mótvegis kapitalismuni.
Rani Nolsøe vísir á, at tað ikki í veruleikanum merkir, at hann tekur undir við einari ráari kapitalismu, men heldur, at hann er sannførdur um, at kreativitetur er sterkasta drívmegin í einum samfelag.
- Vit vilja hava kreativitet og progressivitet í samfelagnum, tí tað førir størstu útviklingina við sær, sigur hann
Hugflogið er eisini tað, sum yvirlivir longst í einum samfelag, sambært Rana, men hugflogið kann køvast, um tað verður bundið í fyrisitingarligum skipanunum.
- Tað, sum yvirlivir best er kreativiteturin, meðan tað, sum doyr, er tað, sum er í rigidum strukturum. Okkara statsapparat eigur at steðga við tað solidariska. Vit hava í løtuni eitt juridiskt yvirapparat, har eingin veit hvussu nógvar lógir eru galdandi í Føroyum, sigur hann.
Men hann heldur, at ein framsøkin hugburður og íverksetaramentan ikki eiga at steðga teimum samhaldsføstu skipanunum í norðurlondum, og tískil kunnu listafólk finnast at ráari kapitalismu.
- Listafólk finnast at ráari, brutalari kapitalismu, tí har, snøgt sagt, skíta fólk á hvørt annað, sigur hann, og vísir til dømi í Brasil har fólk við bráðfeingistørvi á læknahjálp ikki fáa viðgerð, um tey ikki eiga pening.
