Talan er um eina stafettkapping millum arbeiðspláss. Tað er við íblástri frá størstu motiónsrenning í heiminum, DHL Stafettini, at kapping verður á havnarlagnum í Havn í dag klokkan 16.
Faroe Express Stafettin er ein stuttleikakapping fyri arbeiðspláss og vinarbólkar.
– Ger ein óføran og øðrvísi dag saman við teimum, tú hevur gott stev við á arbeiðsplássinum ella í heila tikið, skriva fyrireikararnir.
Havnarlagið í Havn verður á tremur við virksemi, tónleiki, kappingum, vinningum, mati og drekka.
– Eitt upplagt høvi til ein góðan dag og eitt gott kvøld í býnum.
Aftan á Faroe Express Stafettina verður skipað fyri forvitnisligum afterparty í Gráa Pakkhúsið.
Pakkhúsið verður umskipað til eitt streetfood øki, har møguleiki verður at keypa okkurt gott til matna og okkurt leskiligt at sløkkja tostan við.
– Við at luttaka stuðla tit samstundis barna- og ungdómsarbeiðinum hjá Bragdinum, skriva fyrireikararnir.
