Avlýsta landsroyndin, sum skuldi gerast umvegis teldu, verður hesa vikuna gjørd á gamla hátt. Næmingarnir brúka penn og pappír, tí telduskipanin, sum skuldi brúkast, sveik undir seinastu roynd.
Skúlablaðið skrivar, at 725 næmingar í 4. flokki og 715 næmingar í 6. flokki eru við í landsroyndini, sum byrjaði í morgun og heldur fram í morgin. Royndirnar eru í føroyskum, støddfrøði og náttúru og tøkni.
Roknað verður við, at tað gongur eitt hálvt ár, til úrslitið av landsroyndini er tøkt.
