TRÝST á PÍLIN undir MYNDINI, og hoyr samrøðuna Rás2 hevði við høvuðsvenjaran hjá Víkingi, Sigfríð S. Clementsen, sum sá sínar menn vinna 3-1 á FC Suðuroy í Sarpugerði í Norðragøtu fyrr í dag.
Sigfríður er fegin um, at hugburðurin var til staðar hjá víkingunum í dag, tí hann hugburðurin var als ikki til staðar, tá liðið tapti 1-2 ímóti EB/Streymi við Margáir í Streymnesi farna vikuskiftið.
Sigfríður vil ógvuliga gjarna hava ein góðan enda uppá kappingarárið, har Víkingur eftir lokna kapping kann taka ímóti silvurkrónunum. Hann trýr uppá møguleikan, ikki minst nú bara eitt stig er upp til NSÍ á øðrum plássi.
- Vit eru ósigraðir á heimavølli í ár, og tað ætla vit eisini at verða aftaná komandi heimadyst ímóti HB, slær Sigfríður fast.
