Í annaðkvøld klokkan 18 verður eitt samhugatiltak fyri Ukraina á speakers corner á Vaglinum í Havn.
Tað eru tey politisku ungmannafeløgini, sum í felag skipa fyri hesum samhugatiltaki fyri Ukraina.
– Latið okkum vísa okkara samhuga við Ukraina og fólkið, har býr, siga fyrireikararnir.
Umboð fyri Reyða Kross og Amnesty halda røðu.
– Í felag fara vit at halda 1 minutt tøgn fyri ukrainska fólkið, sum í hesum døgum líður undir russisku innrásini, siga fyrireikararnir.
Aftaná hetta verður orðið frítt.
Fyrireikararnir heita á fólk um at taka ljós við av onkrum slag ella skeltir.
