Mentanarnevndin spyr, hvørja støðu landsstýrismaðurin hevur til, at eitt privat felag skal skaffa sponsorpengar til KvF aftur fyri provisjón. Eisini vil nevndin hava at vita, um landsstýrismaðurin heldur tað vera rætt, at Stýrið fyri KvF einki visti um avtaluna.
Bjørn Kalsø skal eisini útgreina fyri nevndini, hvat Kringvarp fæst fyri tær 55-60 milliónirnar, ið stovnurin hevur at arbeiða við ídag. Og landsstýrismaðurin skal somuleiðis svara, um hann hevur nakra ætla um at tryggja eina støðuga veiting til Kringvarpið, so stovnurin sleppur undan lýsingar- og sponsorpengum.
Samráðið í Mentanarnevndini verður týsdagin.
