Serfrøðingar eru ósamdir um, hvør vann tann seinna sjónvarpsdystin millum Anders Fogh Rasmussen og Helle Thorning Schmidt Í gjárkvøldið var tann seinni sjónvarpsdysturin millum tey bæði forsætisráðharraevnini, Anders Fogh Rasmussen og Helle Thorning Sccmidt, og tann stóri spurningurin í dagsins fjølmiðlum er, hvør vann.
Politiski viðmerkjarin hjá Politiken, Ralf Pittelkow, sigur, at í hansara eygum er eingin ivi um, at forsætisráðharrin vann dystin í gjárkvøldið.
Michael Kristiansen, sum fyrr hevur verið spunamaður hjá forsætisráðharranum, heldur harafturímóti, at Helle Thorning Schmidt vann í gjárkvøldið.
Politisku viðmerkjararnir eru á einum máli um, at orðalagið var munandi hvassari í gjárkvøldið enn í tí fyrra sjónvarpsdystinum, sum var í síðstu viku.
