Nú fáa hvalbingar eisini barnagarð.
Tað er greitt, nú hvalbiar Kommuna hevur samtykt fíggjarætlanina fyri næsta ár.
Í tí sambandi er avrátt at gera veg til eitt stykkið niðanfyri skúlan í Hvalba, og at grava út fyri einum nýggjum barnagarði.
Í Hvalba hava tey leingi tosað um at fáa barnagarð og bygdaráðið hevur av og á fingið beinleiðis áheitan frá borgarum um at útvega barnagar.
Og Trúgvi Gudmundarson, borgarstjóri, sigur, at tað er hetta, sum kommunan nú setir sjøtul á.
Hann kann kortini ikki lova, at barnagarðurin verður gjørdur næsta ár.
Hesa næstu tíðina skal kommunnan nevniliga taka støðu til, hvussu barnagarðurin skal skipast, hvussu stórur hann skal vera, um ein partur av dagrøktini skal halda fram, um talan skal vera um vøggustovu og frítíðarskúla eisini o.s.fr.
Men hann ger samstundis greitt, at tá ið bygdaráðið hevur samtykt at gera stykkið klárt at byggja á, er tað tí, at farið verður at byggja og at barnagarður verður í kommununi um ikki so langa tíð.
Myndina av Hvalba tók Erik Christensen.
|
