Tað er ikki líka mikið hvønn lit bilurin hevur fyri at vera tryggur í ferðsluni. Gráir og silvurlittir bilar eru hættisligast í ferðsluni, vísir ein australsk kanning.
Granskarar á Monash universitetetinum í Avstralia hava kannað litin á 850.000 bilum, sum hava verið innblandaðir í álvarsligar ferðsluvanlukkur, og halda teir seg kunna prógva, at liturin á bilinum hevur stóra ávirkan á trygdina í ferðsluni.
Sambært kanningini eru hvítir bilar tryggast at koyra í.
