Hvør sínu megin netið

Fyri fyrstu ferð spældi Birgit Guttesen var í gjár í Sørvági ímóti barndómsfelagnum, SÍ. Hon spælir nú við Mjølnir, og millum spælararnar hinu megin netið var systirin, Helga

Hilmar Jan Hansen

26.10.2009 (12:38)

<style type="text/css">  </style>  <o:p></o:p> Øll árini uppeftir hava Guttesen-systrarnar úr Bø, Birgit og Helga, verið saman á liðnum hjá SÍ, men í ár er øðrvísi. Birgit er flutt til Klaksvíkar og er samstundis farin at spæla við Mjølnir. Í gjár vitjaði hon fyrstu ferð eftir skiftið aftur í Sørvági sum spælari. – Tað var við eitt sindur blandaðum kenslum, at eg nú skuldi spæla ímóti SÍ. Men hinvegin, so er tað stuttligt at royna nakað nýtt, staðfesti Birgit eftir dystin, sum SÍ vann 3-0. – Vit gjørdu ræðuliga nógvar feilir, men við meira venjing, so verður tað betri. Liðnum tørvar at fáa betri samanspæl, men tað skal nokk koma. Og sjálv haldi eg, at tað gongur fínt hjá mær at spæla meg inn á liðið hjá Mjølnir. Í fyrsta setti var SÍ greitt omaná, men Mjølnir svaraði aftur í øðrum setti og fylgdi SÍ heilt upp á 24-24, tá kvinnurnar úr Sørvági so tóku teir báðar avgerandi bóltarnar. Eisini í triðja setti fylgdust liðini leingi, men ímóti endanum fór SÍ avstað og vann setti og dystin – ikki minst, tí størri tryggleiki var yvir spælinum. <o:p> </o:p> Somu ynskifinalu<o:p></o:p> Fyri tað nógva vóru systrarnar, Birgit og Helga, beint yvir av hvørjari aðrari – men altso hvør sínu megin netið. Og tað helt Helga eisini vera eina eitt sindur løgna kenslu: – Eg hevði væntað, at tað fór at verða eitt sindur verri, men tað var bara deiligt, sjálvt um tað var eitt sindur løgið. Tá systirin er hinu megin netið, so vilt tú vinna, so eg eri bara nøgd, segði Helga eftir dystin. Hon staðfesti eisini, at byrjanin hjá SÍ hetta kappingarárið hevur verið betri enn væntað. – Vit hava vunnið allar dystirnar 3-0 higartil, og tá hevur talan verið um dystir, sum á pappírinum skuldu verið torførir. Nú skulu vit bara vinna tríggjar teir næstu, so eru vit í steypafinaluni, sigur hon, og dylir ikki fyri, at ein ynski-steypafinala vildi verið ímóti systrini, ið heldur tað sama. – Ja, vit ætla eisini at gera okkara besta og koma í steypafinaluna. Og fyri meg er tað heilt víst ein ynskistøða at sleppa at spæla finaluna ímóti Helgi, sigur Birgit.<o:p></o:p>

Hvør sínu megin netið

Mest lisið

Hákun venur einar tríggjar ferðir um vikuna

Eg kenni ikki til annað enn at vera virkin

Eysturoyartunnilin stongdur – neistar undan bili

Eingin segði nakað tá eg vigaði 116 kilo

Noyðast at flyta róðrarøkið

VIDEO: Soleiðis vann liðið hjá Mikkjali á Degerfors

VIDEO: Chelsea vann HM fyri felagslið

Lítið flogfar dottið niður uttan fyri London

EM: Ongland og Frakland vunnu stórsigrar

OYL: Badmintonlandsliðið vann 5-0 á Guernsey