Mikudagin 28. januar byrjar konsertferðin hjá HULDA.
Tað er Nordisk sum skipar fyri hesi konsertferð. Danski upcoming bólkurin Blaue Blume og norski bólkurin New World Vulture luttaka saman við HULDA á Nordisk 2015. Ida Wenøe avloysir Blaue Blume á nøkrum konsertum.
Á konsertferðini verður steðgað ymsastaðni í Danmark, eitt nú á Nordatlantens Brygge. Eisin verður farið til Sveis, har tey fara at spæla á festivalinum "Nordklang" í býnum St. Gallen.
Á Nordisk 2013 luttók føroyski bólkurin Frostfelt, og á Nordisk 2014 luttók Byrta.
HULDA er Rannvá Helenúdóttir, og við sær á konsertferðin hevur hon elektrosnillingin Sakaris Emil Joensen við henni.
HULDA hevur givið út fýra stakløg sum kunnu hoyrast her: https://soundcloud.com/huldasound
20. februar kemur plátan hjá HULDU, ið kallast HULDAsound út digitalt, og 3. mars kemur plátan út sum fløga í handlarnar.
Stór útgávukonsert verður í Reinsaríinum 7. mars við bólki.
